Faces in the Crowd (2011)

Anna Marchant er kennari í grunnskóla. Hún býr með unnusta sínum, Bryce, og hittir kunningja sína reglulega yfir mat og drykk. Kvöld eitt þegar hún er á leiðinni heim verður hún vitni að því hvar alræmdur fjöldamorðingi lætur til skarar skríða gegn enn einu fórnarlambinu. Anna flýr af vettvangi með morðingjann á hælunum en sleppur þegar hún fellur fram af brú. Fallið tekur samt sinn toll þegar hún skellur niður og missir meðvitund. Eftir þriggja vikna dá vaknar Anna aftur til lífsins og virðist ætla að ná sér. Höfuðhöggið hefur samt skaðað heila hennar að því leyti að þótt hún muni flest þá getur hún alls ekki lengur komið fyrir sig andlitum, ekki einu sinni unnustans eða nánustu vina sinna. Á sama tíma og lögreglan og læknar reyna hvað þeir geta til að fá Önnu til að rifja upp útlit morðingjans, færist hann nær, staðráðinn í að losa sig við vitnið ...