LOL (2012)

Lola, sem er alltaf kölluð Lol, er lífsglöð stúlka í menntaskóla sem eins og margar aðrar stúlkur á hennar aldri óskar sér einskis fremur en að finna hamingjuna með þeim eina rétta. En strákar geta verið óútreiknanlegir og þegar myndin hefst hefur sá sem Lola hélt að væri sá rétti fyrir sig, Chad, ákveðið að segja henni upp. Í framhaldinu kemst Lola svo að því að besti vinur Chads, Kyle, sem hingað til hefur bara verið vinur hennar, gæti verið sá sem hún ætti raunverulega að vera með. En málið er mun flóknara því inn í það tvinnast alls kyns ástarflækjur vinkvenna Lolu sem hver um sig er að leita að því sama og hún, oft á röngum stöðum. Þess utan glímir Lola við að einkunnir hennar í skólanum hafa farið versnandi og af því hefur móðir hennar, Anna (Demi Moore), miklar áhyggjur. Sjálf glímir Anna svo við sín eigin vandamál sem tengjast fyrrverandi eiginmanni hennar og föður Lolu. Hvernig úr öllu þessu leysist verður áhugavert að sjá ...