Blue Is the Warmest Color (2013)

Myndin fjallar um Adele, 15 ára, en líf hennar gengur út á það að fara í skólann og slúðra um vinina; hver er skotinn í hverjum o.s.frv. Adele sér enga þörf á þessum aldri til að efast um það sem telst venjulegt í samfélaginu: stelpur hitta stráka og þannig er það bara. En eftir að hún byrjar með einum vinsælasta stráknum í skólanum, þá áttar hún sig á að það vantar eitthvað tilfinningalega. Þrár hennar eru ekki þær sömu og ættu að vera samkvæmt bekkjarfélögunum sem telja hann vera fullkominn strák fyrir hana. Þetta veldur ruglingi hjá henni og hún fer að velta fyrir sér hvað gæti verið að. Allt breytist þegar hún hittir fyrir tilviljun hina bláhærðu Emmu sem breytir lífi hennar til frambúðar. Eftir því sem samband þeirra blómstrar, þá losnar um þrár Adele, í ástríðufullum samverustundum þeirra Emmu.