Je l'aimais (2009)

Je l'aimais er gerð eftir samnefndri metsöluskáldsögu rithöfundarins Önnu Gavalda sem kom út árið 2002 og er að hluta til byggð á hennar eigin reynslu. Þetta er ljúfsár, rómantísk saga um mann, Pierre, sem fer með tengdadóttur sína og tvö barnabörn á sveitasetur fjölskyldunnar eftir að eiginmaður hennar, og sonur hans, ákveður skyndilega að yfirgefa hana og börnin svo til orðalaust og án útskýringa. Tengdadóttirin er í skiljanlegu áfalli vegna þessa og Pierre telur að hún þurfi að jafna sig í ró og næði áður en frekari ákvarðanir um framhaldið verða teknar. Á meðan á dvölinni á sveitasetrinu stendur byrjar Pierre að rifja upp og segja tengdadótturinni sögu af sjálfum sér og örlagaríku ástarsambandi sem hann átti sjálfur eitt sinn í utan hjónabands ...