Before I Go to Sleep (2014)

Á hverjum morgni vaknar Christine algjörlega minnislaus um hvað á daga hennar hefur drifið. Hver er hún og hvað kom fyrir hana? Er maðurinn sem hún vaknar við hliðina á að segja henni sannleikann? Nicole Kidman leikur hér Christine Lucas sem vaknar á hverjum morgni algjörlega minnislaus um gærdaginn og fortíð sína. Við hlið hennar er maður (Colin Firth) sem kveðst vera eiginmaður hennar og reynir að útskýra að öll fyrri reynsla Christine og allar minningar hverfi úr kolli hennar í hvert sinn sem hún sefur. Christine veit ekki hverju skal trúa, en þegar annar maður, dr. Nasch (Mark Strong), sem kveðst vinna fyrir lögregluna, hefur samband við hana, ráðleggur henni að treysta engum og fær hana til að halda dagbók þannig að hún geti kynnt sér hana daginn eftir byrja púslin að raðast saman ...