Gagnrýni eftir:
Atvinnumennirnir Okkar0 af 0 fannst gagnrýnin hjálpleg
Fullt hús! 
Atvinnumennirnir Okkar er að mínu mati eitt allra besta íslenska sjónvarpsefni sem gefið hefur verið út. Grunnhugmyndin að þættinum er frábær og til þess gerð að slá í gegn og allt er gert til að svala forvitni áhorfandans. Hannes Þór Halldórsson sannar að hann er einn af okkar efnilegustu leikstjórum og gefur þáttunum gríðarlega fagmannlegt yfirbragð. Auðunn Blöndal beitir svo sinni snilldarlegu viðtalstækni til að ná því allra besta upp úr viðmælendum sínum, hvort sem þeir eru Óli Stef. eða John Terry!
Hárfín blanda af dramatík, fyndni og hversdagslífi margra af okkar bestu íþróttamönnum gera Atvinnumennina Okkar að hinni fullkomnu skemmtun fyrir fólk á öllum aldri. Þá veita þættirnir frábæra innsýn inn í líf íslenskra atvinnumanna í íþróttum. Skemmtanagildið er haft í fyrirrúmi en auk þess eru gæði, myndataka og klipping nær óaðfinnanleg.
Rúsínan í pylsuendanum er svo aukaefni sem sést í fyrsta sinn á þessum DVD-disk og er stútfullt af óborganlegum atriðum. Ekki er hægt að sleppa því að fjalla um Atvinnumennina Okkar án þess að minnast á þáttinn um einn óvæntasta en jafnframt besta íþróttamann sem Ísland hefur alið af sér, hin eina sanna Pétur Jóhann Sigfússon. Sá þáttur er einfaldlega með því fyndnara sjónvarpsefni sem að ég hef séð.