Gagnrýni eftir:
Best in Show0 af 0 fannst gagnrýnin hjálpleg
Þessi mynd er frábær. Hún gefur manni aftur trú á kvikmyndakerfið. Þessi mynd er stundum svo svívirðilega fyndin að það er vont. Það er stundum erfitt að horfa á hana því hún gengur lengra en maður heldur að maður vilji og það er gott. Ef ykkur líkar óhefðbundnar myndir og viljið sjá fólk í fáránlegu ljósi og deyja úr hlátri (hvort sem hann er inn- eða útvortis) þá kíkið allavega á þessa mynd. Hundarnir eru líka krútt. Leikararnir eru mjög góðir, handrit og leikstjórn einnig en það er allveg greinilegt á öllu í myndinni að handritshöfundarnir fengu að ráða ferðinni, þeir leika báðir í myndinni og annar þeirra er einnig leikstjórinn. Svoleiðis klikkar mjög sjaldan.
American Pie 20 af 0 fannst gagnrýnin hjálpleg
Það er ekkert gott hægt að segja um þessa mynd, nema þú sért að sækjast eftir mjög ljósbláu pornói. Leikstjórnin er slæm og þarafleiðandi leikurinn líka en handritið er það versta sem ég hef þurft að upplifa (ókey, man ekkert verra í augnablikinu allavega). Það var ekkert lagt í þessa framhaldsmynd. Allir karakterarnir (strákarnir þ.e) rifja upp kynlífsreynslurnar sem fyrri myndin endaði á einsog það sé verið að gera ráð fyrir því að þeir sem horfi á þessa mynd hafi ekki séð þá fyrri (?????). Þetta er mjög pirrandi og heimskulegt. Flautustelpan er orðin einhversskonar þroskaheftur fáviti sem talar mjög fíflalega, pabbi Jims heldur nokkrar mjög óraunverulegar og óhugnanlegar ræður. Þetta er ekkert fyndið en liður í að gera hinn vinsæla pabba jims að meiri karakter en hann var í fyrri myndinni (mér fannst hann bara óhugnanlegur í þessari mynd). Tékkneska stelpan hringir í Jim og segir I can´t wait to see you, you sexy boy og er það fyrsta atriði myndarinnar sem fær mann til að vilja æla (og þau verða mörg). Engin orð fá því líst hversu slæm þessi mynd er. Ég hló ekki að neinu í henni en það var vegna þess hvað allt var illa gert og óraunverulegt, samt gæti allveg mögulega verið að einhverjum finnist hún fyndin. En að mestu er um soft porn drauma að ræða því hún gengur útá að allir karakterarnir fái kynlífsfantasíur sínar til að rætast og það er bara mjög leiðinlegt áhorfs. Allir karakterarnir hugsa um kynlíf stanslaust og ekkert annað. Það virkaði í fyrri myndinni því þá áttu þeir eftir að afsveinast en þetta er bara sorgleg viðleitni í að leika sama leikinn nákvæmlega eins, tvisvar sinnum. Ég tók eftir því þegar ég var búin að horfa á myndina að coverið á spólunni sýnir manni allveg framá það hversu slæm þessi mynd er svo ég ráðlegg ykkur að taka hana alls ekki fyrren þið eruð búin að skoða það vel. Ég vil líka taka fram að ég fílaði númer eitt enda dýrka ég svona unglinga í high school myndir. Þessvegna skil ég ekki hversvegna þessi misheppnaðist svona hrikalega.