Ný stikla úr kvikmyndinni Miles Ahead er komin út. Don Cheadle leikur djasstónlistarmanninn Miles Davis og fjallar myndin um tímabil á áttunda áratugnum þegar kappinn tók sér hlé frá tónlistinni.
Cheadle var allt í öllu við gerð myndarinnar því hann leikstýrði henni einnig, framleiddi og skrifaði handritið ásamt öðrum.
Í öðrum helstu hlutverkum eru Ewan McGregor sem leikur blaðamann Rolling Stone, Dave Brill, og Emayatzy Corinealdi sem leikur eiginkonu Brill.
„Þetta er ekki týpísk ævisögumynd. Þetta er glæpamynd. Þetta er mynd sem Miled Davis hefði sjálfur viljað leika í,“ sagði Cheadle í viðtali árið 2012.
Myndin er væntanleg í bíó vestanhafs í apríl.