Í nýjustu stiklu úr Machete Kills, í leikstjórn Robert Rodriguez, ræður hasarinn ríkjum og má m.a. sjá Sofia Vergara með túttubyssur, Charlie Sheen sem forseta Bandaríkjanna og Mel Gibson í vígarhug. Einnig má sjá Machete fleygja manni í átt að þyrlu og í öðru atriði leiðir hann rafmagn í gegnum líkamann sinn á meðan hann tekur mann kverkataki.
Í Machete Kills þá er þorparinn Machete ráðinn af forseta Bandaríkjanna til að ráðast gegn klikkuðu illmenni sem er bæði byltingarsinnaður og vellauðugur, og ætlar að koma á allsherjar stjórnleysi um öll hin byggðu ból.
Leikarahópinn má sjá hér: Danny Trejo, Michelle Rodriguez, Sofia Vergara, Amber Heard, Carlos Estevez, Lady Gaga, Antonio Banderas, Jessica Alba, Demian Bichir, Alexa Vega, Vanessa Hudgens, Cuba Gooding, Jr., William Sadler, Marko Zaror og Mel Gibson.
Myndin verður frumsýnd í almennum sýningum í Bandaríkjunum 4. október næstkomandi.