Nýjasta myndin frá teiknimyndarisanum Pixar, Inside Out, verður frumsýnd næsta sumar. Fyrsta stiklan úr myndinni var sýnd í dag og í stiklunni eru kynntar til leiks persónur sem skilgreina tilfinningar ungrar stelpu.
Inside Out fjallar um táningsstelpu sem er tekin út úr sínu þægilega umhverfi í Minnesota yfir til San Fransisco. Þar taka tilfinningarnar yfir og umbreytist stelpan. Í lýsingu Pixar vilja þeir einnig nefna að myndin fari með áhorfandann í ferðalag um huga stelpunnar, allt frá hæstu hæðum Tepui fjalla og svo alveg undir sjávarmál.
Fyrsta teiknimynd Pixar, Toy Story, var útgefin 1995 og hún er fyrsta tölvuteiknaða kvikmynd sögunnar. Síðan þá hafa fimm fyrstu kvikmyndir Pixar skilað 2,5 milljörðum bandaríkjadala í miðasölum kvikmyndahúsa.
Hér að neðan má sjá fyrstu stikluna úr myndinni.
