Í nýjasta tölublaði kvikmyndaritsins Empire eru birtar glænýjar myndir úr næstu Star Trek mynd, Star Trek Into Darkness, en það var vefsíðan ComingSoon sem birti þær á vefsíðu sinni.
Sjáið nokkrar myndanna hér að neðan og viðtal við illmennið Benedict Cumberbatch neðst:
Leikarar í myndinni eru þau John Cho, Bruce Greenwood, Simon Pegg, Chris Pine, Zachary Quinto, Zoe Saldana, Karl Urban, Anton Yelchin, Benedict Cumberbatch, Alice Eve og Peter Weller.
Söguþráður myndarinnar er eitthvað á þessa leið: Þegar áhöfn Enterprise geimskipsins er kölluð heim, þá uppgötvar hún hryðjuverkaógn innan eigin raða sem búin er að sprengja upp geimskiptaflotann og allt sem hann stendur fyrir, og heimurinn á í miklum og aðsteðjandi vanda. Kirk skipstjóri, sem á persónulega harma að hefna, leiðir eltingarleik til heims þar sem stríð ríkir, til að ná manni sem er eins manns gjöreyðingarvopn. Eftir því sem hetjurnar okkar á Enterprise sogast dýpra og dýpra inn í átök upp á líf og dauða, þá þurfa menn að skoða líf sitt inn á við, ástarsambönd og vinskapur er í hættu. Færa þarf fórnir fyrir þá einu fjölskyldu sem Kirk skipstjóri á eftir; sem er áhöfnin hans.
Star Trek Into Darkness kemur í kvikmyndahús í maí 2013.
