Tökur á The Hunger Games: Catching Fire standa nú sem hæst á Hawaii. Tímaritið Entetainment Weekly birtir í nýjasta hefti sínu frásögn af tökum myndarinnar ásamt myndum.
Á forsíðumyndinni hér að neðan má sjá aðalleikkonuna Jennifer Lawrence í hlutverki Katniss Everdeen en með henni á myndinni er ný persóna sem ekki var í fyrri myndinni, Finnick Odair, leikinn af Sam Claflin.
Þau Katniss og Finnick eru greinilega reiðubúin að berjast upp á líf og dauða í Hungurleikunum óhugnanlegu, með þríforki og boga og örvum.
Myndin kemur í bíó 21. nóvember nk.