J.J. Abrams segir í nýju myndbandi ( featurette ) að hasaratriðin í nýju Star Trek myndinni sem hann leikstýrir, Star Trek Into Darkness, séu ljósárum framar heldur en í síðustu Star Trek mynd, sem hann leikstýrði einnig.
Sjáðu J.J. Abrams og leikarana Zachary Quinto og Chris Pine ofl. segja frá myndinni hér fyrir neðan:
Auk þessarar stuttu myndar, þá hefur Paramount framleiðandi myndarinnar birt nýtt hreyfiplakat fyrir myndina.
Hér er um að ræða plakatið eins og við þekkjum það, en búið er að bæta í það hreyfingu og rödd illmennisins sem leikið er af Benedict Cumberbatch, eins og hún hljómar í fyrri stiklum.
Þetta er farið að líta hrikalega spennandi út, en myndin verður frumsýnd í Bandaríkjunum 17. maí nk.
