Kvikmyndagagnrýnandi bandaríska dagblaðsins The New York Times, Manohla Dargis, hrífst af nýju Predator myndinni, Predator Badlands.
Myndin kom í bíó um helgina hér á landi.
Hún segir að þessi nýjasta mynd Dan Trachtenbergs, blási fersku lífi í hina langlífu Predator-sögu og sameini vísindaskáldskap, ævintýri og tilfinningahita.
Í myndinni hittast tveir ólíkir ferðafélagar: Thia, vélmenni í hlutverki Elle Fanning, og Dek, utangátta rándýr leikið af Dimitriusi Schuster-Koloamatangi. Þau mynda óvænta samstöðu í baráttu gegn spilltum stórfyrirtækjum og ógnvænlegum verum á fjarlægri plánetu.
Predator: Badlands (2025)
7.5 
85% Ung geimvera, sem hefur orðið viðskila við hópinn sinn, finnur ólíklegan félaga í leit sinni að valdamiklum óvini....
Trachtenberg, sem áður vakti athygli með Prey (2022), heldur áfram að þróa heim Predator-seríunnar með áherslu á mannlega tilfinningu ómennskra persóna, eins og gagnrýnandinn útskýrir. Dek er ekki aðeins drápsvél heldur flókin vera með eigin tungumál og siðferðiskennd. Myndin leikur sér að andstæðum – styrk og varnarleysi, vélrænum hugsunum og samúð – og nær fram óvæntri hlýju innan hefðbundinnar hasarfrásagnar.
Ekki gallalaus
Dargis segir að þó myndin sé ekki gallalaus, einkum í sjónrænum atriðum, sé hún skapandi og metnaðarfull endurvakning á gömlum goðsögnum. „Predator: Badlands sýnir að jafnvel úreltar kvikmyndasögur geta lifað áfram – svo lengi sem kvikmyndagerðin sjálf andar lífi í þær.“
