Ný stikla er komin fyrir framhald hinnar bráðskemmtilegu teiknimyndar Cloudy With a Chance of Meatballs, sem kom skemmtilega á óvart þegar hún var frumsýnd árið 2009. Framhaldsmyndin heitir einfaldalega Cloudy With a Chance of Meatballs 2.
Phil Lord og Chris Miller leikstýrðu fyrri myndinni en nú eru komnir nýir leikstjórar, þeir Cody Cameron og Kris Pearn.
Sjáðu stikluna hér fyrir neðan:
Söguþráðurinn er svona í stuttu máli: Eftir gríðarlegt matvælaóveður í enda fyrstu myndarinnar, þá neyðast Flint Lockwood og vinir hans til að yfirgefa bæinn Swallow Falls.
En þegar í ljós kemur að skyni gæddar matvælaverur hafa tekið yfir eynna þá eru þeir beðnir um að bjarga heiminum á ný.
Myndin kemur í bíó í Bandaríkjunum 27. september 2013.