Leikararnir John Travolta og Ethan Hawke eru í viðræðum um að leika í vestranum, In a Valley of Violence. Lítið sem ekkert hefur verið gefið út um myndina nema að hún sé hefndarsaga og gerist árið 1890. Ti West skrifaði handritið að myndinni og mun hann að öllum líkindum einnig leikstýra. West hefur aðalega gert hryllingsmyndir og má þar nefna The Inkeepers og The House of the Devil.
Travolta er nýbúinn að leika í kvikmyndinni The Forger, en hún fjallar um þjóf sem kaupir sig út úr fangelsi, fyrir eitt verkefni enn. Myndin skartar einnig leikurunum Christopher Plummer og Tye Sheridan.
Ethan Hawke sást síðast í mynd um ökuþórinn Brent Magna sem átti í kapphlaupi við tímann á sérsmíðuðum Shelby Cobra Mustang bíl.