Októberhefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu, en eins og ávallt er blaðið sneysafullt af áhugaverðu efni í bland við kynningar á nýjustu myndum bíóhúsanna í októbermánuði, sem og nýjum myndum sem gefnar verða út á DVD, Blu-ray og/eða VOD í mánuðinum.
Á forsíðum blaðsins eru annarsvegar æringjarnir dönsku Casper og Frank í áhugaverðri stellingu, en þeir leika í gamanmyndinni Klovn Forever , og í vídeóhlutanum er Chris Pratt á flótta undan risaeðlum í bíómyndinni Jurassic World.
Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir og bíómiðaleik.
