Aðdáendur Óskarsverðlaunaleikkonunnar Jennifer Lawrence hafa verið að tapa sér á Twitter um helgina yfir því hvað leikkona í myndinni The Girl on the Train, Haley Bennett, er sláandi lík Lawrence.
Hin 28 ára gamla Bennett leikur hlutverk Megan í myndinni, konunnar sem persóna Emily Blunt verður heltekin af þegar hún er í sinni daglegu lestarferð framhjá húsi hennar.
Hayley Bennett is like if someone tried to make a Real Doll out of Jennifer Lawrence
— Britt Hayes, Esq. (@MissBrittHayes) April 20, 2016
Entertaiment Tonight tímaritið gekk svo langt að kalla leikkonuna „næstu Jennifer Lawrence“ og ekki bara útaf líkindunum í útlitinu.
„Ég dáist að henni, og hún hefur átt frábæran feril og ég held að við séum báðar ljóshærðar,“sagði Bennett um samanburðinn.
Leikkonan hefur áður leikið poppsöngkonuna Cory Corman í Hugh Grant myndinni Music and Lyrics frá árinu 2007.
Hayley Bennett and Jennifer Lawrence could be sisters pic.twitter.com/ge3XlNUgpG
— Rachel (@racheellharriss) January 4, 2015
Síðan þá hefur leikkonan, sem þykir einnig hæfileikarík söngkona, leikið í myndum eins og The Equalizer ásamt Denzel Washington, Hardcore Henry og vestranum sem nú er í bíó, The Magneficent Seven.
Næsta mynd hennar er Weightless eftir Terrence Malick sem frumsýnd verður í mars á næsta ári, en aðrir leikarar þar eru Ryan Gosling, Christian Bale, Rooney Mara og Cate Blanchett.