Nýtt myndbrot úr nýju Disney ævintýramyndinni Maleficent, var sýnt rétt í þessu. Angelina Jolie fer með titilhlutverk nornarinnar illu í ævintýrinu um Þyrnirós. Myndin er í þrívídd, og segir hliðarsögu úr ævintýrinu um Þyrnirós, söguna um nornina.
Í myndbrotinu fáum við að kynnast fortíð Maleficent og að hún hafi eitt sinn verið með vængi, en þeim var síðan stolið. „Einu sinni hafði ég vængi, þeir voru sterkir“ segir Maleficent við Þyrnirós er hún spyr hana afhverju hún sé ekki með vængi líkt og álfarnir.
Aðrir leikarar í myndinni eru Sharlto Copley, Elle Fanning, Sam Riley, Imelda Staunton, Juno Temple og Lesley Manville. Robert Stromberg leikstýrir.
Myndin verður frumsýnd þann 30. maí næstkomandi.