Fyrrum Vina-stjarnan David Schwhimmer, hefur gengið til liðs við bresku gamanþáttaseríuna Morning has Broken, sem er framleidd af Channel 4 í Bretlandi.
Schwimmer leikur í þáttunum bandarískan framleiðanda sem er fenginn til liðs við morgunþátt í sjónvarpi sem má muna sinn fífil fegurri, Good Morning … with Gail Sinclair.
Með hlutverk þáttastjórnandans, sjálfrar Drottningu spjallþáttanna, fer Julia Davis, sem er handritshöfundur þáttanna ásamt Nick Hohammed, sem leikur einn af fréttaþulunum í morgunþættinum.
Lýsingin á söguþræði þáttanna er þessi í stuttu máli: „Eftir að hafa notið gríðarlegra vinsælda í átta ár samfleytt fer áhorf á þættina að minnka og spenna magnast í framleiðsluteyminu.“
Sýningar á Morning Has Broken hefjast á næsta ári.
Rachel Springell hjá Channel 4 segir: „Julia er ein af okkar bestu handritshöfundum og leikkonum í gamanþáttum, og það að hún geti fengið til liðs við sig jafn þekktan leikara [og Schwimmer er ] í þættina, er til marks um gæði efnisins.“