Bandaríski Óskarstilnefndi leikarinn og leikstjórinn Sylvester Stallone mun leikstýra og leika aðalhlutverk í myndinni Tough as They Come, ásamt Star Wars leikaranum Adam Driver.
Myndin er byggð á ævisögulegri metsölubók Travis Mills, og segir sanna sögu bandaríska hermannsins Mills sem varð sá eini af fimm hermönnum sem lifði af fjórfalda aflimun eftir að hafa stórslasast á vígvellinum. Í sögunni er sjónum beint að sambandi hermannsins við 
tengdaföður sinn, sem stóð þétt við bakið á honum eftir að hann var útskrifaður af spítalanum.
Driver mun leika Mills og Stallone leikur tengdaföðurinn.
Nýjasta mynd Driver er Martin Scorsese myndin Silence.
