Með hverjum deginum sem líður styttist í frumsýningu á Marvel myndinni The Wolverine, með Hugh Jackman, Will Yun Lee, Svetlana Khodchenkova, Hiroyuki Sanada, Hal Yamanouchi, Tao Okamoto, Rila Fukushima og Brian Tee í helstu hlutverkum, en 20th Century Fox hefur nú birt nýtt kynningarplakat fyrir myndina.
Á plakatinu er ódauðleiki Wolverine gerður að umfjöllunarefni: „Life is a Gift. Immortality a Curse“, eða í lauslegri þýðingu: „Lífið er gjöf. Ódauðleiki er bölvun.“
Myndin er byggð á vinsælli teiknimyndasögu og fjallar um Logan, ofurhetjuna og utangarðsmanninn, sem er gerður úr málmi. Hann fer til Japan þar sem hann þarf að eiga við dulafulla persónu úr fortíð sinni í sögulegum bardaga, sem mun breyta honum að eilífu.
Leikstjóri er James Mangold og handrit skrifaði Christopher McQuarrie og Mark Bomback.
Myndin kemur í bíó 26. júlí nk.
Sjáðu kynningarplakatið hér fyrir neðan:
