Hurricane (2018)

Þegar Þjóðverjar réðust inn í Pólland 1939 flúðu margir pólskir flugmenn til Englands þar sem þeir sameinuðust í sextán flugsveitum samkvæmt samningi Englandsstjórnar og pólsku útlagastjórnarinnar. Ein þessara sveita nefndist Sveit 303 (No. 303 Squadron RAF) og er það mál margra að ef hennar hefði ekki notið við hefði „Baráttan um Bretland“ farið öðruvísi. Það var langt frá því að vera sjálfsagt að þeir pólsku flugmenn sem voru í Sveit 303 og höfðu flúið heimalandið í upphafi Seinni heimsstyrjaldarinnar hefðu áhuga á að berjast fyrir England. Fyrir það fyrsta voru margir þeirra þjakaðir af ástvinamissi á meðan aðrir vissu ekki hvort ástvinir þeirra væru yfirleitt á lífi. Þess utan mættu þeir miklum fordómum Englendinga, töluðu ekki ensku og þurftu að læra á stjórnbúnað flugvélanna sem var allt öðruvísi en sá sem þeir þekktu ...