Species II (1998)

Sonur öldungadeildarþingmanns og fyrsti maðurinn sem steig fæti á Mars, Patrick Ross, kemur heim úr ferð sinni til plánetunnar rauðu og er hylltur sem hetja. Hann hefur unnið ótrúlegt afrek, en er um leið hýsill fyrir hættulegustu litningasamsetninguna í alheiminum. Eitthvað hefur yfirtekið líkama hans, einskonar afbrigði af geimverulitningum sem áður hefur komist til jarðar, og menn hafa þróað áfram í rannsóknarstofum. Núna er eina von mannkynsins, konan sem reyndi að eyða litningnum. Dr. Laura Baker sem er búin að endurskapa geimverur úr frosnum fósturvísi á rannsóknarstofu, en það er nákvæmlega eins og það sem geimfarinn hefur í líkama sínum, nema að hennar geimvera, Eve, er í dvala og er hálf geimvera og hálfur maður. Þegar önnur lífvera af sama kyni og Eve hefur samband við hana þá fer hún í tilfinningalegt uppnám. Hún vill sýna mannkyninu trygglyndi, en á sama tíma þá hefur hún gríðarlega þörf fyrir að fjölga sér. Ross er ýtt út í stjórnmál af föður sínum, öldungardeildarþingmanninum. Hver einasta kona sem fer í rúmið með Ross, sem nú er orðinn haldinn mjög mikilli kynþörf, verða umsvifalaust ófrískar, og fóstrin þroskast hratt og drepa móðurina. Ross felur þessi afkvæmi á fjölskyldubúgarðinum, og lögreglan fer að uppgötva mynstur í dauða fjölskyldumeðlima. Á rannsóknarstöðinni eru vísindamenn að rannsaka Eve, og Dr. Laura Baker áttar sig á að Eve hefur tengsl við Ross með fjarskynjun. Press Lennox og Colonel Burgess átta sig á að hægt er að nota Eve til að ná í skottið á Ross. Geimfarinn Dennis Gamble slæst í hóp með Lennox og Baker og smátt og smátt þrengist hringurinn um Ross.