Valentine (2001)

Það er Valentínusardagurinn árið 1988. Hinn nördalegi Jeremy Melton þarf að þola hverja höfnunina á fætur annarri á skólaballinu, eftir að hann spyr fjórar vinsælar stúlkur hvort þær vilji dansa við hann. Eftir að sú fimmta, þybbin og óörugg segir já, þá enda þau á keleríi undir áhorfendapöllunum. Þegar hópur hrekkjusvína nær þeim, þá segir stúlkan að Jeremy hafi ráðist á sig. Þeir ákveða því að klæða hann úr öllum fötunum og lemja hann fyrir framan alla krakkana í skólanum. Nú víkur sögunni fram í tímann til ársins 2001. Við hittum nú fyrir stúlkurnar fimm sem voru á ballinu um árið, Kate, Paige, Shelly, Lily og hina fyrrum þybbnu Dorothy. Þær eru allar á þrítugsaldri núna og eru að reyna að vinna úr ástamálum sínum, sem er vel við hæfi, þar sem Valentínusardagurinn er á næsta leiti. Eftir misheppnað stefnumót við einhvern aula, þá er ein stúlknanna, sem er í læknanámi, myrt af grímuklæddum morðingja, sem sendi henni morðhótanir í formi Valentínusarkorts fyrir árásina. Eftir að hinar stúlkurnar fjórar koma saman við jarðarförina, þá fara þær allar að fá samskonar ógnandi kort og skilaboð. Í fyrstu skilja þær ekki hver gæti viljað meiða þær, en að lokum átta þær sig á að Jeremy gæti verið ábyrgur. Lögregluskýrslur sýna að Jeremy er gjörsamlega horfinn, og enginn veit hvernig hann lítur út. Gæti hinn fyrrum nördalegi Jeremy hafa farið í lýtaaðgerð, og breyst í einn af myndarlegu kærustum stúlknanna? En hver sem þetta er, þá þarf sú eina sem eftir verður að stöðva morðingjann áður en hún sjálf verður fyrir barðinu á honum á Valentínusardaginn.