America's Sweethearts 2001
(Americas Sweethearts)
Frumsýnd: 19. október 2001
America's hottest couple has just broken up...it will take more than special effects to get them back together.
Hjón, sem bæði eru jafnframt kvikmyndastjörnur, þurfa að fara í kynningarherferð til að kynna nýjustu mynd þeirra, Time over Time, sem þau gerðu á meðan þau voru enn ástfangin, þó svo að þau þoli ekki hvort annað núna. Gwen er orðin ástfangin af suður-ameríska leikaranum Hector en Eddie hefur leitað til lífstíls gúrú. En þá kemur babb í bátinn,... Lesa meira
Hjón, sem bæði eru jafnframt kvikmyndastjörnur, þurfa að fara í kynningarherferð til að kynna nýjustu mynd þeirra, Time over Time, sem þau gerðu á meðan þau voru enn ástfangin, þó svo að þau þoli ekki hvort annað núna. Gwen er orðin ástfangin af suður-ameríska leikaranum Hector en Eddie hefur leitað til lífstíls gúrú. En þá kemur babb í bátinn, leikstjórinn neitar að afhenda myndina nema fjölmiðlar fái að sjá hana fyrst með tilheyrandi tilstandi, og til þess þarf að fá aðalleikarana til að þykjast vera hjón áfram og fá alla til að trúa því!... minna
Aðalleikarar
Leikstjórn
Handrit
Ég var engan veginn sáttur við þessa mynd. Fannst hún bara leiðinleg og ekkert varið í hana.
Mér finnst þetta ágætis mynd. Þetta er svona rómantísk gamanmynd þar sem John Cusack og Catherine Zeta Jones leika Hollywood par sem er nýhætt saman og það er starf Billy Crystal að koma þeim aftur saman. Julia Roberts sem leikur systur Catherine Zeta Jones er ekki í aðalhlutverki í þessari mynd en er allgjör senuþjófur og mér finnst Seth Green líka fyndinn í sínu litla en skemmtilega hlutverki. Americas Sweethearts er mynd sem að ég hafði mjög gaman af og kom ánægð út úr bíóinu.
America´s Sweethearts gengur ekki alveg upp sem kvikmynd. Hún er á sinn hátt nokkuð sjarmerandi og skemmtileg en hún hangir ekki saman. Allir þessir góðu leikarar, Seth green, John Cusack, Stanley Tucci og Billy Crystal (takið eftir því að ég taldi ekki upp Zeta-Jones eða Juliu Roberts) fá nánast ekkert til þess að vinna með. Öllum þeirra talent er sóað í mynd sem á að vera ádeila á grunnhygginn Hollywood iðnað, en er sjálf grunnhygginn Hollywood iðnaður. Þetta virkar talsvert hallærislegt og maður getur varla varist brosi þegar leikstjórinn heldur að hann sé að koma með eitthvað gríðarlegt innsæi á kvikmyndaiðnaðinn þegar hann er greinilega sjálfur grafinn í honum upp fyrir hársrót. Burt séð frá því, og burtséð frá þeirri staðreynd að myndin fylgir klisjunni 100% og hvikar hvergi frá því sem maður hefur þúsund sinnum séð áður, þá á myndin sín augnablik þar sem maður brosir út í annað og manni leiðist í rauninni aldrei. Hún rúllar svona áfram, og hefði jafnvel verið betri ef hún hefði ekki reynt svona mikið að vera merkilegri en hún í rauninni er.
Þessi rómantíska gamanmynd er ekkert frumlegri en aðrar sem maður hefur fengið að sjá undanfarna tíð. Söguþráðurinn er samt sem áður skemmtilegur þó að myndin sjálf sé frekar klisjukennd og fyrirsjáanleg á köflunum. Húmorinn er allavega fínn og leikararnir stóðu sig næstum allir prýðilega. John Cusack er frábær leikari og mér fannst hann standa sig best af öllum, Catherine Zeta-Jones (sem leikur í annað sinn á móti Cusack, það muna margir eftir henni úr High Fidelity) var líka fín sem ósjálfbjarga leikkonan. Mér hefur samt oft fundist eins og Julia Roberts sé ein ofmetnasta leikkonan í Hollywood í dag, það þýðir samt ekki að hún sé léleg, hún stóð sig frábærlega í Erin Brockovich (sem er að mínu mati besta mynd hennar, ever) og einnig í þessari. Það hafa samt verið margar myndir með henni þar sem hlutverkið gengur bara út á bros hennar. Billy Crystal er bæði einn handritshöfundurinn og skemmtilegasti karakterinn í allri myndinni, húmorinn var í hans höndum. Svo má nefna fleiri leikara sem stóðu sig misvel, eins og Stanley Tucci, Hank Azaria (sem fer hér með skondinn spænskan hreim), Seth Green (Rat Race) og svo auðvitað Christopher Walken. America´s Sweethearts byrjar vel en (eins og oftast) seinni partinn fer hún út í klisju og eftir það veit maður nákvæmlega hvernig allt endar. Hún er hin þokkalegasta vídeó skemmtun.
Ég er ekki alveg sammála því sem hér hefur á undan farið því að mér fannst þetta bara ágætis afþreying. Jújú myndin hefur sína galla t. d. veit maður strax í byrjun hvernig hún á eftir að enda, en í heildina var hún vel heppnuð með mikið úrval af góðum leikurum sem gera það gott í myndinni og má þar helst nefna Billy Crystal. Endilega skellið ykkur.
Um myndina
Leikstjórn
Handrit
Aldur USA:
PG-13
Frumsýnd á Íslandi:
19. október 2001
VHS:
26. febrúar 2002