The Guru (2002)

Ram er orðinn leiður á Bollywood og vill verða söngvari og leikari í Bandaríkjunum. Þegar Ram kemur til Bandaríkjanna þá tekur vinur hans Vijay á móti honum, en fær áfall þegar hann kemst að því að Vijay, sem hvatti hann til að söðla um, vinnur sem þjónn á indversku veitingahúsi í New York, keyrir leigubíl, og býr í lítilli leiguíbúð inni í kvikmyndahúsi sem sýnir Bollywood bíómyndir. Hann er einnig með tvo herbergisfélaga, þá Sanjeev og Amit, en annar þeirra er ólöglegur innflytjandi. Ram fær vinnu sem þjónn í sama veitingahúsi og Vijay, en er rekinn þegar hann lendir í rifrildi við viðskiptavin. Ram sækir þvínæst um starf sem leikari, en kemst að því að um er að ræða hlutverk í klámmynd, á móti hinni kynæsandi Sharonna. Stuttu síðar sér fólkið heima í Indlandi hann í beinni útsendingu sem Sex Guru, og fær áfall. Þeir vita hinsvegar ekki að Ram hefur orðið fyrir innblæstri af meðleikkonu sinni Sharonna, sem lifir tvöföldu lífi.