A Man Apart 2003
Frumsýnd: 9. maí 2003
Love changes a man. Revenge tears him apart.
Sean Vetter go Demetrius Hicks eru í fíkniefnalögreglunni og taka þátt í stríðinu gegn eiturlyfjum á landamærum Kaliforníu og Mexíkó. Þeir henta einkar vel í starfið þar sem þeir ólust upp á götunni og voru sjálfir öfugu megin laganna, áður en þeir urðu löggur. Löggan nær nú einum aðal fíkniefnasalanum, "Memo" Lucero, og fangelsa hann í Bandaríkjunum,... Lesa meira
Sean Vetter go Demetrius Hicks eru í fíkniefnalögreglunni og taka þátt í stríðinu gegn eiturlyfjum á landamærum Kaliforníu og Mexíkó. Þeir henta einkar vel í starfið þar sem þeir ólust upp á götunni og voru sjálfir öfugu megin laganna, áður en þeir urðu löggur. Löggan nær nú einum aðal fíkniefnasalanum, "Memo" Lucero, og fangelsa hann í Bandaríkjunum, en þá tekur annar stórlax, Diablo, yfir markaðinn og nú þurfa Vetter og hans lið að einbeita sér að honum. En þegar eiginkona Vetter er drepin í árás sem Diablo skipulagði, þá leitar Vetter hefnda og þarf að fá hjálp frá tugthúslimnum Lucero, til að ná til Diablo. En á leiðinni, þá þurfa þeir Vetter og Hicks að vinna sig upp keðjuna, en hefndarþorsti Vetter gerir þeim erfitt fyrir. ... minna
Aðalleikarar
Leikstjórn
Handrit
Leiðinlega langdregið svæfandi óþarfa ógeðslega illa gerða steyndauða bull. Það bara gerist ekkert í þessari mynd. Vin Diesel missir konuna sína og fer þá að reykja og að reyna að gera eitthvað til að þurfa að gera ekki eitthvað annað. Þetta er það eina sem að ég veit um þessa mynd því að ég nennti ekki að horfa á hana. Var bara heppinn að hún var í sjónvarpinu þannig að ég gat flakkað á milli stöðva og þess vegna veit ég ekki neitt um hana. Nafnið á myndinni er mér ráðgata, þar sem að ég fatta ekki hvernig hann getur hafa verið á milli einhverra manna. Hann gerði ekki nokkurn skapaðan hlut.
Sean Vetter (Vin Diesel) er eiturhörð fíkniefnalögga sem hefur verið að eltast við Memo Lucero, höfuðpaur mexíkónsku fíkniefnamafíunnar, síðust 7 ár. Loks hefur hann uppi á honum og kemur honum á bak við lás og slá. Það á eftir að hafa skelfilegar afleiðingar fyrir Vetter því nokkrum mánuðum seinna er ráðist inn á heimili hans. Í þessari árás særist Vetter en konan hans deyr. Hann einsetur sér að hafa uppi á þeim sem bera ábyrgð á þessu. Hefndin keyrir hann áfram og dregur hann inn í innsta hring fíkniefnaheimsins. A Man Apart er þokkaleg kvikmynd sem heldur áhorfandanum við efnið allan tímann. Vin Diesel er í burðarhlutverki og ferst það nokkuð vel úr hendi. Hann er svo sem ekkert sérstakur leikari en það er bara eitthvað við hann sem gerir hann afskaplega trúverðugan í hvaða hlutverki sem hann tekur sér fyrir hendur. A Man Apart er frekar þung spennumynd þar sem meira er horft á persónur heldur en hasar. Aukaleikararnir eru lítt sýnilegir þar sem ofurkapp er lagt á persónu Vin Diesels. En A Man Apart er þokkalegasta mynd sem óhætt er að mæla með.
Því miður....eða nei, mér er ekkert miður fyrir að gefa henni svona fáar stjörnur. Alls ekkert.
Vin Diesel hefur mér alltaf þótt vera leikari sem langar að verða töffari en er það bara hreynt ekki í þeim myndum sem hann hefur verið í. xXx fannst mér hann ganga af göfflunum með töffara stælana, það var OF mikið af þeim, og oftast komust þeir hreynlega ekki almennilega til skila.
En þessi mynd gerði útslagið. Þetta er mynd sem bætti engu betra við töffara hetjuna.
Drama í gegn með örlitlum hasar og húmor, með hræðilega illa völdum leikara í aðalhlutverki. Ekki að hann sé lélegur leikari, það var bara valið á því hver átti að vera í aðalhlutverki sem er hreynlega rugl. Kannski voru höfundarnir að reyna að búa til einhvern nýjan stíl á hasarmyndum, ég veit það ekki, en það heppnaðist ekki vel.
Tilfinningasenurnar voru mér ofviða, það munaði litlu að ég hefði hlegið. Sérstaklega hvernig vinur hans var alltaf að vorkenna honum eins og barni.
Ég held að fólkið sem stóð á bak við þessa mynd hafi ekki fattað það að svona miklar tilfinningasenur hefur maður ekki í HASAR mynd.
En Vin diesel var í betri kanntinum í atriðunum sem HÆFÐU honum, s.s. hasarinn!
En annars ágætur söguþráður og húmorinn fínn, leikararnir mjög fínir, 2 stjörnur þó ótrúlegt megi virðast.
Þessi mynd er með þeim lélegri sem ég hef séð núna nýlega, Vin Diesel er ekki hin besti leikari enn þessi mynd er flott og fín afþreying, enn hálfgert flopp, lélegur leikur og léleg saga.
Það er óhætt að segja að Vin Diesel standi sig alltaf vel sem harði töffarinn í heilalausu afþreyingunum. Hann stendur sig með prýði í þessari mynd og það vottar meira að segja af leikhæfileikum í manninum en þó ekki það mikið að það lyfti honum á annan stall en að hann hefur verið stimplaður. Sagan er þokkaleg en handritið er alls ekki gallalaust og skilur eftir göt sem þyrfti að fylla í. Engu að síður er myndin hin besta skemmtun, heilalaus en hvaða máli skiptir það maður býst ekki við neinu öðru þegar maður fer á hasarmyndir.
Um myndina
Leikstjórn
Handrit
Christian Gudegast, Paul Scheuring
Kostaði
$36.000.000
Tekjur
$44.350.926
Vefsíða:
Aldur USA:
R
Frumsýnd á Íslandi:
9. maí 2003
VHS:
18. nóvember 2003