Tumi Þumall og Þumalína 2003
(Ævintýri Tuma þumals og Þumalínu)
Frumsýnd: 8. ágúst 2003
Tumi og Þumalína eru pínu-pínulitlir og sætir krakkar sem er rænt af Sirkusstjóranum, sem á leið um og skellir þeim í hópinn sinn. Þeim tekst að strjúka og lendir Þumalína litla í höndunum á leiðindaskarfi þar sem hún má þræla og puða á meðan Tuma vegnar betur hjá gömlum og góðum karli sem ferðast um með hundana sína og skilar Tuma aftur að lokum... Lesa meira
Tumi og Þumalína eru pínu-pínulitlir og sætir krakkar sem er rænt af Sirkusstjóranum, sem á leið um og skellir þeim í hópinn sinn. Þeim tekst að strjúka og lendir Þumalína litla í höndunum á leiðindaskarfi þar sem hún má þræla og puða á meðan Tuma vegnar betur hjá gömlum og góðum karli sem ferðast um með hundana sína og skilar Tuma aftur að lokum á sömu slóðir og hann fann hann á þegar karlinn finnur að hann á ekki langt eftir. Þar hittir hann Þumalínu sem hefur tekist að flýja, og lenda skötuhjúin litlu í margvíslegum ævintýrum. Þau komast fljótlega að því að til er fleira lítið fólk en þau og hefja leitina að Smálandi. Á leiðinni lenda þau í útistöðum við alls kyns furðyverur eins og Möldvörpukónginn sem er að leita að drottningu, Pöddumömmu, o.fl. o.fl.... minna
Aðalleikarar
Leikstjórn
Handrit
Þetta sívinsæla ævintýri H.C.Andersen er hér komið í nokkuð sérstakri teiknimyndaútfærslu en þó með íslensku tali. Bakgrunnshöfundar myndarinnar eru um 80 manns auk hundruð annarra teiknara, en miðað við þann fjölda hefur ekki tekist nógu vel til og áhrifin engan veginn hrífandi miðað við umfjöllunarefnið. Frágangur á teiknimyndapersónum var ekki nógu sannfærandi og lítil tengsl við þá mynd sem undirritaður hefur af aðalpersónum ævintýrisins 35 árum eftir fyrsta lestur þess. Heildarmyndin er nokkuð hrá fyrir kröfuharða teiknimyndaraðdáendur og alltof lítið unnið með þrívíddareiginleika og nákvæmishreyfingar teiknimyndapersónanna. Það sem skemmir endanlega möguleika á jákvæðri upplifun áhorfandans er digitalupplausnin í myndinni sem var alltof gróf og litarugluð, sérstaklega fyrir þá sem sitja fremst í salnum. Eina stjörnu fær þessi mynd (saga) fyrir íslenska talið.