Raising Helen (2004)

Helen Harris lifir sannkölluðu draumalífi. Ferill hennar sem fyrirsæta gengur vel, og hún eyðir dögunum á tískusýningum en á kvöldin er hún á heitustu dansstöðunum. En einn daginn kemur smá babb í bátinn þegar hún fær símtal sem breytir öllu. Hún þarf skyndilega að taka að sér börn systur sinnar; hina 15 ára gömlu Audrey, hinn 10 ára gamla Henry og hina 5 ára gömlu Sarah. Enginn efast um það að Helen er heitasta frænkan í New York, en hvað veit þessi tískudama um barnauppeldi? Fjörið hefst þegar Helen breytist úr ofur gellu í ofur mömmu, en hún kemst mjög fljótt að því að það að dansa langt fram á nótt, á ekki vel við það að koma krökkunum í skólann á réttum tíma - nokkuð sem eldri systir hennar, Jenny, er snögg að sjá. Helen fær hjálp úr óvæntri átt, frá Dan Parker, hinum unga og myndarlega presti og skólastjóra í nýja skóla krakkanna - og kemst að því að nú þarf hún að velja á milli gamla lífsins og þess nýja.