Seven Samurai (1954)

Sagan gerist á sextándu öldinni í Japan, en þar er fátækt þorp undirokað af bófagengi sem stelur hrísgrjónauppskerunni. Öldungurinn í þorpinu stingur upp á því að þorpsbúar ráði sér Ronin, eða samúræja án húsbónda, til að verja þorpið. Fjórir bændur fara í bæinn til að leita að heppilegum manni í verkið, en það eina sem þeir hafa að bjóða viðkomandi er þrjár hrísgrjónamáltíðir á dag og húsaskjól. Þeir ráða á endanum hinn góðhjartaða fyrrum samúræja Kambei Shimada sem segir að þeir þurfi að finna sex samúræja til viðbótar til að vernda þorpið. Kambei ræður fimm til viðbótar og spéfuglinn hugaða Kikuchiyo þar að auki, og þeir flytja allir í þorpið. Kambei skipuleggur varnir þorpsins og samúræjarnir byrja að þjálfa bændurna og kenna þeim að verja land sitt og fjölskyldur fyrir bardaganum sem í vændum er.