August Rush (2007)

Hjartnæm saga af munaðarlausum strák sem leitar foreldra sinna. Írski gítarsnillingurinn Louis og afburða sellóspilarinn Lyla urðu ástfangin við fyrstu sýn. Leiðir þeirra skilja því miður snögglega og þegar Lyla lendir í bílsslysi er henni sagt að barnið hennar hafi dáið. Louis og Lyla sakna hvors annars sárt og gefa tónlistina upp á bátinn. Barnið þeirra dó í raun og veru ekki, heldur var það sett á munaðarleysingjahæli. Evan Taylor hefur meðfædda tónlistargáfu. Hann trúir því að hann muni finna mömmu sína og pabba í gegnum tónlistarhæfileikana sína. Evan flýr til New York og slæst í hóp með krökkum sem búa á götunni, en götuleikarinn Wizard passar upp á þau. Wizard gerir það þó ekki af gæskunni einni saman, því hann ætlar sér að hagnast á striti barnanna. Horfurnar eru því ekki góðar fyrir Evan, en það er ekki öll von úti enn því kraftaverk geta gerst og aldrei að vita nema honum takist að sameina foreldra sína á ný í gegnum tónlistina.