Kingpin (1996)

Myndin fjallar um keiluíþróttina og samskipti seinheppins keiluleikara, Roy Munson, og Ishmaels sem hefur mikla hæfileika til að leika keilu en er Amishtrúar og því er erfitt að sannfæra hann um að gerast atvinnumaður í íþróttinni. Roy Munson var alinn upp til að verða besti keiluspilsleikari í heimi ( faðir hans byrjaði mjög snemma að æfa hann í íþróttinni). En keilufélagi hans, Ernie McCracken verður valdur að því, ásamt misskilningi þar sem fantar koma við sögu, að Munson missir keiluhendina sína. Munson lætur þetta ekki stöðva sig, og fær sér gervihendi og gerist farandsölumaður. En lífið er í raun allt niður á við eftir að hann missti hendina, eða allt þar til hann hittir Ishmael, sem er af Amish þjóðflokknum og stelst að heiman til að spila keilu ( honum yrði útskúfað úr Amish samfélaginu ef þetta kæmist upp ) Roy sannfærir Ishmael um að leyfa honum að gerast þjálfari hans og hann geti gert hann að besta keiluspilsleikara í heimi. Ishmael er hikandi, en ákveður síðan að fara í keiluspilsferðalag með Munson, og kemst að því að lífið utan Amish þorpsins er bara þónokkuð skemmtilegt. Leiðir þeirra og Ernie McCracken liggja fljótlega saman en hann er ennþá algjör stjarna á sviði keiluspils, og fjöldi fólks kemur að horfa á hann, og fagrar konur sitja um hann, á meðan ferill Roy hefur sturtast niður um klósettið.