All About Steve (2009)

All About Steve segir frá Mary Horowitz (Sandra Bullock), krossgátuhöfundi fyrir dagblað í Sacramento. Þó hún sé snillingur í að búa til flóknar og margslungnar krossgátur virðist henni algerlega fyrirmunað að eiga eðlileg samskipti við fólk í eigin persónu. Foreldrar hennar senda hana á blint stefnumót við kvikmyndatökumanninn Steve Muller (Bradley Cooper). Henni að óvörum verður hún yfir sig hrifin af Steve á þessu stefnumóti, en sú hrifning er ekki gagnkvæm. Mary verður brátt algerlega gagntekin af Steve og semur meira að segja krossgátu eingöngu um hann, sem veldur því að hún er rekin úr vinnunni. Í stað þess að sjá ljósið á þeim tímapunkti sér hún brottreksturinn sem tækifæri til að einbeita sér algerlega að Steve og eltir hún hann þvert yfir Bandaríkin, með ófyrirsjáanlegum afleiðingum fyrir þau bæði.