Lizzie Borden Took an Ax (2014)

Ný mynd eftir Nick Gomez um morðin á þeim Andrew og Abby Borden árið 1892 og réttarhöldin yfir dóttur þeirra, Lizzie Borden, sem var ákærð í málinu. Borden-morðmálið er eitthvert mest rannsakaða morðmál í gjörvallri réttarsögu Bandaríkjanna. Borden-hjónin voru sterkefnuð og bjuggu ásamt dætrum sínum í bænum Fall River í Massachusettsríki þar sem Andrew Borden átti og rak m.a. verksmiðjur auk þess að stunda fasteignaviðskipti og sitja í stjórnum fjármálafyrirtækja. Þann 4. ágúst árið 1892 voru þau Andrew og Abby myrt á hrottalegan hátt á heimili sínu með exi. Mikil ringulreið skapaðist við rannsókn málsins af ýmsum ástæðum en svo fór að saksóknari ríkisins ákvað að ákæra Lizzie fyrir morðin. Og fyrir þá sem e.t.v. vita ekki hvernig málið fór er best að segja ekki frá því hér heldur hvetja fólk til að sjá myndina ...