It Follows (2015)

Haustið ætti að vera tilhlökkunarefni fyrir hina 19 ára gömlu Jay, margt að gera í skólanum og að hitta stráka um helgar við vatnið. En eftir að því er virðist saklaust kynferðissamband, þá er hún allt í einu heltekin af furðulegum sýnum og tilfinningu sem hún losnar ekki við, um að einhver, eða eitthvað, sé að elta hana. Þetta hvílir þungt á henni, og hún og vinir hennar þurfa að finna leið til að komast undan þessum hryllingi, sem alltaf er við næsta fótmál. Sagan í myndinni er um unga konu, Jay Height, sem eftir kynlíf með strák sem hún þekkti ekki mikið fyrir uppgötvar að strákurinn hefur „smitað“ hana af álögum sem lýsa sér þannig að einhver yfirnáttúruleg vera sem getur brugðið sér í allra kvikinda líki byrjar að elta hana uppi hægt og bítandi. Til að losna við álögin þarf Jay að smita einhvern annan með kynlífi, en hún og vinir hennar ákveða að reyna fyrst að berjast gegn óvættinni ...