Kill Me Three Times (2014)

Leigumorðinginn og spæjarinn Charlie Wolfe tekur að sér nýtt verkefni í litlum bæ og kemst að því að þar er allt langt frá því sem sýnist. Við hittum hér fyrir leigumorðingjann og einkaspæjarann Charlie Wolfe þar sem hann er einmitt að ljúka við að taka einhvern vesalinginn af lífi. Síminn hringir og áður en varir er Charlie byrjaður á nýju verkefni sem til að byrja með snýst um að fylgjast með ferðum ákveðinnar konu, Alice Taylor, og finna út úr því hvað hún sé að bralla. Fljótlega eftir að Charlie byrjar að fylgjast með Alice uppgötvar hann að hún er ekki bara gerandi í svikamáli heldur einnig fórnarlamb í öðru þannig að segja má að Charlie sé skyndilega kominn með tvö mál á verði eins. Þegar þriðja málið blandast síðan inn í atburðarásina og varðar m.a. svikulan bílasala og spilltan lögreglumann gerast hlutirnir svo enn flóknari ...