Fyrr á árinu kom fyrsta stiklan fyrir ofurhetjumyndina Green Lantern fyrir sjónir almenning og vakti ekki mikla lukku. Hálfkláraðar tæknibrellur og fleira gerði það að verkum að áhugi manna á myndinni dvínaði, en slíkt hið sama gerðist þegar fyrsta stiklan úr Iron Man kom út á sínum tíma.
En á WonderCon ráðstefnunni í Bandaríkjunum var eftirfarandi stikla sýnd og ætlaði þakið hreinlega af húsinu. Viðbrögð aðdáenda hafa ekki staðið á sér og hafa væntingar manna til Green Lantern hækkað mjög. Stikluna má sjá hér fyrir neðan, hvað finnst ykkur?
