Töluvert er síðan það kom út trailer fyrir næstu mynd The Sixth Sense leikstjórastjörnunnar M. Night Shyamalan, en hún ber nafnið The Happening og ku vera í stíl við fyrri verk Indverjans. Nú fyrir nokkru komu út tveir restricted trailerar, en það þýðir að þeir eru bannaðir innan 16.
Trailerana er hægt að sjá á undirsíðu myndarinnar á kvikmyndir.is og ég verð hreinlega að mæla með því að þið kíkið á þá því þeir eru virkilega grófir. Þeir sýna betur söguþráð myndarinnar en fyrri trailerar og telja manni trú um að hér sé virkilega trufluð mynd á ferðinni.
Mark Wahlberg og dúllan Zooey Deschanel leika aðalhlutverkin, en myndin fjallar um nokkurskonar heimsendi, þar sem fólk hættir allt í einu að tala, hreyfa sig og það eina sem það vill gera er að fremja sjálfsmorð (!!). Truflað..já…kíkið á trailerinn hér.