Fyrir stuttu greindu hinar ýmsu fréttasíður frá því að Sylvester Stallone myndi sjálfur leikstýra framhaldinu að The Expendables, sem sló rækilega í gegn á sínum tíma. Nú hefur leikarinn sjálfur staðfest að svo verði ekki.
Samkvæmt Stallone er nú unnið að lista yfir þá leikstjóra sem koma til greina í starfið. Það eitt hefur verið staðfest að Stallone muni snúa aftur sem eðaltöffarinn Barney Ross, en þótt að talið er afar líklegt að upprunalegi leikarahópurinn muni fylgja honum hefur það ekki enn verið staðfest.
