Þar sem hasarmyndin The Expendables gekk vonum framar, áhorfendur flykktust að sjá hana, og aðgangseyrir er kominn nálægt 100 milljón dollara markinu, þá er framhald myndarinnar nær 100% öruggt. Stallone hefur nú þegar sagt að hann vilji reyna að draga inn leikara í næstu mynd sem hann vildi sjá í þeirri fyrstu , svo sem Steven Seagal og Van Damme ( sem báðir afþökkuðu boð um að leika í fyrstu myndinni ). Stallone hefur einnig sagt að hann vilji sjá önnur nöfn einnig, jafnvel einhverja kvenkyns nagla. Það er þó eitt sem hann virðist vera byrjaður að hugsa um af alvöru, en það er hver á að leika skúrkinn.
Að því er IGN netmiðillinn segir frá þá það Bruce Willis. Þetta kom fram á Twitter hjá Sylvester Stallone: „Borðaði kvöldmat með Bruce Willis í gærkvöldi. Ég vil fá hann í Expendables ll sem erkiskúrk. Hvað finnst ykkur?“ spyr Stallone í Twitter tísti sínu.
