Zhang Ziyi ( Crouching Tiger Hidden Dragon ) mun leika á móti Adam Sandler í rómantísku gamanmyndinni Good Cook, Likes Music. Myndin fjallar um aula einn, sem býr með móður sinni í hjólhýsi. Í ölvunaræði eitt kvöldið sækir hann um konu í gegnum pöntunarlista, og þegar hún síðan kemur þá kemur í ljós að þau eiga lítið sem ekkert sameiginlegt. Það breytir því þó ekki að á endanum munu þau falla saman eins og flís við rass. Myndinni verður leikstýrt af Wayne Wang ( Smoke ) og tökur hefjast síðar á árinu.
