Sambíóin frumsýna spennumyndina Prisoners á föstudaginn næsta, þann 4. október. „Myndin hefur hlotið nánast einróma lof gagnrýnenda og fékk m.a. magnaðar viðtökur á kvikmyndahátíðinni í Toronto þar sem menn sögðu m.a. að Hugh Jackman og Jake Gyllenhaal hefðu aldrei verið betri en í þessari mögnuðu spennumynd,“ segir í tilkynningu frá Sambíóunum.
Sjáðu stiklu úr myndinni hér fyrir neðan:
„Prisoners eftir kanadíska leikstjórann Denis Villeneuve er í einu orði sagt stórkostleg kvikmynd sem má alls ekki fara fram hjá neinum sem kann að meta góða kvikmyndagerð.“
Myndin var frumsýnd á kvikmyndahátíðinni í Toronto og hlaut frábærar viðtökur bæði áhorfenda og gagnrýnenda sem segja margir hverjir að hún sé besta mynd ársins hingað til. Í aðalhlutverkum eru þau Hugh Jackman, Jake Gyllenhaal, Viola Davis, Maria Bello, Terrence Howard, Melissa Leo og Paul Dano.
Dover-fjölskyldan og Birch-fjölskyldan eru nágrannar og vinir sem búa í úthverfi í New York og tilheyra millistéttinni. Hvor hjón fyrir sig eiga tvö börn, þar af tvær sex ára stúlkur.
Á þakkargjörðardaginn fer Dover-fjölskyldan í matarboð til Birch-hjónanna og barna þeirra. Eftir mat kemur í ljós að ungu dæturnar tvær eru horfnar og ekki líður á löngu uns fjölskyldurnar átta sig á því að þeim hefur verið rænt.
Lögreglan mætir á staðinn undir forystu rannsóknarlögreglumannsins Loka og fær strax vísbendingu um hver það hefur verið sem nam telpurnar á brott. Sá aðili er handtekinn en við rannsókn kemur ekkert í ljós sem bendlar hann við hvarf stúlknanna þótt hegðun hans sé frekar grunsamleg. En sagan er rétt að byrja …
Aðalhlutverk: Hugh Jackman, Jake Gyllenhaal, Viola Davis, Maria Bello, Terrence Howard, Melissa Leo og Paul Dano
Leikstjórn: Denis Villeneuve
Sýningarstaðir: Sambíóin Álfabakka, Sambíóin Egilshöll, Sambíóin Kringlunni, Sambíóin Akureyri, Sambíóin Keflavík, Ísafjarðarbíó, Selfossbíó og Bíóhöllin á Akranesi.
Aldurstakmark: 16 ára
Fróðleiksmolar til gamans:
• Myndin er með 8,3 í einkunn á Imdb.com þegar þetta er
skrifað og 98% jákvæða dóma á Rotten Tomatoes. Þeir eru
margir sem nú eru farnir að spá því að Prisoners verði hinn
óvænti Óskarsverðlaunakandídat ársins.
