Toppmynd síðustu viku, Spider-Man: Across the Spider Verse sýnir ekki á sér neitt fararsnið því hún heldur sæti sínu á Íslenska bíóaðsóknarlistanum aðra vikuna í röð.
Hin nýfrumsýnda Transformers: Rise of the Beasts náði því ekki að velta ofurhetjunni úr sessi.
Tekjur Spider-Man voru nærri sjö milljónir króna en tekjur Transformers voru hátt í þrjár milljónir.
Þriðja sæti listans er svo skipað Disney hafmeyjunni í The Little Mermaid, sem er nú á sinni þriðju viku á lista.
Fjöllin átta í tólfta sæti
The Eight Mountains er einnig ný í Bíó paradís og fer beint í tólfta sæti aðsóknarlistans.
Þar er á ferðinni saga um vináttu tveggja manna þar sem kvikmyndatakan leikur við öll skilningarvit í víðfemri náttúru, eins og það er orðað á síðu bíósins.
Sjáðu íslenska aðsóknarlistann í heild sinni
