Brokedown Palace (1999)

Alice og Darlene, sem hafa verið vinkonur frá fæðingu, eru nýbúnar að útskrifast úr miðskóla. Þær eru að skipuleggja sumarfrí á Hawaii, en þær heyra að það sé enn betra að fara til Bangkok í Tælandi. Þær fara … án þess að segja foreldrum sínum frá breyttum áfangastað. Það er mikið fjör í Bangkok, en þær eru ekkert alltof ánægðar með gististaðinn ódýra sem þær eru á. Þær stelast til að fara í sundlaug á lúxus hóteli, en lenda í vandræðum þegar þær þurfa að borga fyrir drykkina sem þær pöntuðu. Þeim er bjargað úr klípunni af áströlskum hugbúnaðarráðgjafa sem er þarna í viðskiptaferð. Nick er góður gaur, þó hann eigi erfitt með að gera upp við sig hvorri stúlkunni hann er hrifnari af. Hann segir þeim að Hong Kong sé frábær, og hann sé til í að skipta flugmiða sínum sem er á fyrsta farrými fyrir þrjá á almennu farrými … og stúlkurnar taka boðinu fegins hendi. Á flugvellinum kemur lögreglan skyndilega aðvífandi. Stúlkurnar hafa heróín í farangrinum og faðir Darlene verður ekkert ágengt við að fá þær lausar úr fangelsi, jafnvel þó að hann fái hjálp frá fíkniefnalöggu á staðnum. En þá kemur til kasta hins sjúskaða lögmanns Hank Green, sem gæti gert eitthvað til að hjálpa, en það mun kosta ...