Mitt í framtíðarstríði á milli mannkyns og gervigreindar, er Joshua, grjótharður fyrrum sérsveitarmaður sem syrgir eiginkonu sína, ráðinn til að elta uppi og drepa Skaparann (e. Creator), arkitekt hinnar háþróuðu gervigreindar sem skapað hefur dularfullt vopn sem getur bundið endi á stríðið og mannkynið sömuleiðis.
Leikstjórinn Gareth Edwards hefur nefnt kvikmyndir eins og Apocalypse Now (1979), Baraka (1992), Blade Runner (1982), Akira (1988), Rain Man (1988), The Hit (1984), E.T. the Extra-Terrestrial (1982) og Paper Moon (1973) sem innblástur fyrir The Creator.
Þetta er fyrsta samstarfsverkefni Gareth Edwards og hins rómaða tónskálds Hans Zimmer. Myndin er einnig sú þriðja sem Zimmer vinnur með kvikmyndatökumanninum Greig Fraser og meðklipparanum Joe Walker. Hinar eru Dune: Part One (2021) og Dune: Part Two (2024).
