Mr. Brooks (2007)

Earl Brooks er mikils metinn athafnamaður og var nýlega valinn Maður ársins í Portland. Hann býr þó yfir hræðilegu leyndarmáli: hann er raðmorðingi sem þekktur er undir nafninu Thumbprint Killer. Hann hefur sótt AA fundi, og hefur þannig náð að halda morðfíkn sinni í skefjum í tvö ár, en núna er hliðarsjálf hans, Marshall, aftur kominn á kreik, og ýtir á hann að byrja að myrða á nýjan leik. Þegar hann drepur par sem er að njóta ásta, þá sést til hans og einhver tekur mynd af honum - maður sem sjálfur er haldinn morð - og dauðaáráttu. Í annarri hliðarsögu þá er rannsóknarlögreglumaðurinn sem er að rannsaka morðið með sín eigin vandamál. Hún er að ganga í gegnum erfiðan skilnað, og ofbeldisfullur glæpamaður, sem hafði heitið því að hefna sín á henni, er sloppinn úr fangelsi og er nú á hælunum á henni.