27 Dresses (2008)

Jane (Katherine Heigl) byrjaði feril sinn sem brúðarmær þegar hún var lítil stelpa. Hún er hin fullkomna brúðarmær, passasöm, umhyggjusöm og setur þarfir annarra alltaf framyfir eigin þarfir. Við fullorðinsaldur hefur hún líka verið brúðarmær 27 sinnum en aldrei fengið að vera brúðurin. Það hjálpar ekki til að hún er bálskotin í yfirmanni sínum, George (Edward Burns) sem sýnir henni engan áhuga. Loksins þegar Jane ætlar að játa ást sína fyrir George þarf hún að horfa upp á það þegar hann fellur fyrir systur hennar, Tess (Malin Akerman). Tess vinnur í Mílanó sem módel og ætlaði bara að heimsækja systur sína í stuttan tíma. Samband Tess og George er fljótt að þróast og það kemur að því að parið trúlofar sig, Jane til mikils hryllings. Og þá hefst undirbúningur brúðkaupsins. Jane stendur frammi fyrir því að verða brúðarmær í 28. skiptið og í þetta sinn horfa á eftir draumaprinsinum sínum giftast systur sinni.