Mad Money (2008)

Mad Money er grínmynd með Diane Keaton, Queen Latifah og Katie Holmes í aðalhlutverkum. Leika þær þrjá starfsmenn Alríkisbanka Kansas-ríkis. Bridget (Keaton) lifði þægilegu efristéttarlífi þar til maðurinn hennar var rekinn og þau steyptust í skuldir. Nú vinnur hún sem húsvörður í bankanum. Hún er varla mætt fyrsta vinnudaginn sinn þegar hún er farin að setja saman áætlun um að ræna skemmdum peningaseðlum sem á að eyðileggja. Bridget fær Ninu (Latifah), sem vinnur við eyðingu seðlanna, og Jackie (Holmes), sem vinnur sem sendill, til liðs við sig, og leggja þær saman á ráðin um ránið. Þær ætla að ræna seðlum sem yrði hvort eð er eytt, þannig að þær hugsa með sér að enginn ætti að sakna þeirra… Þar hafa þær rangt fyrir sér, því eftir að þeim tekst vel upp í fyrstu tilraunum sínum fer atferli þeirra að vekja grunsemdir yfirmanna bankans, og þá eru góð ráð dýr…