21 (2008)

Ben Campbell (Jum Sturgess) er hlédrægt gáfnaljós. Hann stundar dýrt nám og vantar pening, mikinn pening, til að greiða námsgjöldin. Ben kemst í leynifélag gáfuðustu nemenda skólans sem eru með lausnina á fjárhagsvandamálum hans. Þau hafa, undir handleiðslu skrítna stærðfræðiprófessorsins Mickey Rosa (Kevin Spacey), reiknað út hvernig á að tæma fjárhirslur spilavítanna. Liðið ferðast til Las Vegas um hverja helgi með fölsuð skírteini í farteskinu og snýr heim með himinháar fjárhæðir. Ben fellur hratt fyrir þessum adrenalíndrífandi lífsstíl og enn hraðar fyrir liðsfélaga sínum, hinni gáfuðu og kynþokkafullu Jill Taylor (Kate Bosworth). Hann reynir að ganga í augun á henni en spilar sig of stóran og fer að taka of marga sénsa. Svo marga sénsa að öryggisvörður spilavítisins, Cole William (Laurence Fishburne), byrjar að gruna eitthvað og einsetur sér að fella þau öll með tölu. Æsispennandi mynd byggð á sönnum atburðum sem Ben Mezrich gerði fræga í bókinni Bringing down the House.